هل ينفع الحب عن طريق النت؟

السلام عليكم ورحمه الله وبركاته
اخواني الاعزاء والعزيزات :

أعضاء هذا الصرح العالي ..
مشكلة قرأتهــا وأحببت أن آخذ رأيكم بها ..
وفي البدايـــة :

نطرح المشكله على لســـان حال أحد الشباب يقووول ::
وهي ان معظم الشبان والفتيات يتحدثون عبر المواقع ما غيرها الى بعدهم ولكن هل صحيح تصرفاتهم تكون كالواقع هل هي شخصيات حقيقيه
لنبدأ ونفترض انها شخصيات حقيقيه لكن هل هي دائمه المعامله معك لماذا لا يكون احد الاصدقاء احد الاقارب لذلك انا نفسي مكنتش مؤمن بالحب عن طريق النت وكنت بحس انه هبل وعبط لكن حدث دلوقتي اني واقع بنفس المشكله احب فتاه من الانترنت ولكنها غير مقتنعه رغم اني بعثت لها صوره لي وكل شئ عني لكن ليست المشكله المشكله انا نخاف ان يكون احد يلهوا وهذا يواثر علينا ازا كان شخص يلهوا وهذه المشاعر قد تؤدي عداء في نفس الانسان مما يؤي الى كره الاخرين لذلك انا اريد ان اعرف ردودك حول هذه المسأله هل هناك حب عن طريق الانترنت انا اومن ان الحب يأتي عن تريق المشاعر التي تكون بشخصيه المتحدث ليش بالشكل ولكن مع ذلك نريد ان نفتح باب النقاش اختم كلامي بتحياتي لكم ولكن ارجوا انت تهتموا بهذا الموضوع فانه مسير للجدل وبه الكثير والكثير

فما رأيكم وما تعليقكم ..........؟؟؟

هل نستطيع أن نبنـــي ما يسمى الحب هنا على الانترنت .......................؟؟؟

أم ......تبقى لكل انسان وجه نظـــر ...

أعرف حساسية الموضوووع ولكن الرأي عااام ولن يؤثـــــر ؟؟

كون شجاعاً واكتب رأيك بصريح العبارة ..

بص يازيدان من رايىان غلط اللى هو الحب عن طريق النت
اديلك مثل
ممكن انت اتعرفت على واحدة من بلادة برة وانت اول مرة تعرفها وانت عرفتها بنفسك وعلى شخصيتك
لكن ممكن فى بعض البنات بعرفوك على شخصيتها انت ممكن تصدقها ولكن لما تقابلها تلاقى شخصيتها حاجة ثانية خالص
زى ما بيقوله بيضحكوا على بعض فالمفروض الحب يكون خارج النت احسن من على النت نفسه
يعنى ممكن انت تحب واحدة انت اتعرفت عليها فى جامعة او معاك فى الشارع لكن من بلاد برة او على النت من الاحسن بلاش واسمع كلامى
وجرب كده وانت هتتاكد من نفسك
الاحسن من برة النت
اخوك مييرو

زيدان اولا الموضوع خطير فعلا ومهم ومنتشر وكتير جدا بيعانوا منه .... وكونك تفتح باب النقاش فى موضوع زى دا ... دى فى حد زاتها حركه جريئه ...

وانا ياسيدى هكون صريحه معاك وهكتب رأى بصريح العباره

هنبتدى بموضوع الشخصيات دا ... الاخ اللى بيحكى حكايته لو كان عنده ذره ذكاء كان اكيد هيلاحظ ويكتشف شحصيتها بالوقت .... لو هى مثلا كانت بتضحك عليه .. اكيد اكيد هتفلت منها( تكه) فى نص كلامها تكشفله شخصيتها وهو لو لماح او ذكى هيعرف يطللع( التكه ) دى .... مفيش كدبه كامله لازم لازم تتكشف فى الاخر دا قانون مسللم بيه .... وهو مينفعش يتعللق بواحده او يحبها الا لما يكون متاكد من صدقها ومن شخصيتها ومن حبها ليه كمان ... لانه يبقى مغفل لو فضل يحب فى واحده هى اساسا معتبراه زى اخوها مثلا الحاجات دى بتبان من (صيغه ) كلامها معاه

ومن ناحيه اللهو .... فادى مش محتاجه كلام وعك ولك كتيير لان نسبه 95% من الولاد اللى ع النت هم اللى( بيلهوا ) مع البنات مش العكس

وال 5% الباقين اما تكمل الحكايه للاخر او يزهقوا من بعض وتتفركش ... واستحاله يكون فى مشاعر حب بين اتنيين وتتقلب لكره استحاااله

والحب الحقيقى بجد هو اللى بيجى عن طريق المشاعر انه يحب شخصيتها هى مش يحب شكلها ولا صوتها الحاجات دى تيجى بعد ما يتأكد انه بيحبها رغم كلل شى ....

انا موافقه مييرو فى حاجه واحده بس انه يحب واحده معاه فى الجامعه او فى نفس الشارع ... اضمن ... واحسن بدل اللف والدوران

ووجع الدماغ ....

والله كلامك صح ياسلمى وعندك حق فى كل اللى انتى قولتيه

ميييرثييى لييك يا مييروووو ..... وانت كمان وجه نظرك سليمه

انا كنت عايزه اعرف راى ( زيدان ) يعنى ......

سالتنا عن راينا وقولناه ........... عايزين نعرف رايك انت كمان .........


هل نستطيع ان نبنى ما يسمى الحب هنا على الانترنت ..........................؟؟؟


ام....... تبقى لكل انسان وجه نظر ...

اعرف حساسيه الموضوع ولكن الراى العاام لن يؤثر ..

كن شجاعا واكتب رايك بصريح العباره ....

يلاااااااااا يا زيداااااااااااان مستييين ردك

بصي يا ست سلمي انا لما كنت اسمع ان في حد بيحب من النت كنت بقول ان البني ادم ده اهبل واهطل وان الحب ده مش هينجح لانهم اكيد بيدحكو علي بعض بس جت بنوته عسوله جدا مسبتنيش غير لما وقعت في حبها انا عمري ما فكرت اني احب ولا حته اتحب وكنت عايش حياتي عادي بس لما قابلت البنت دي حسيت اني لقيت نفسي وحسيت ان هي دي البنت اللي انا عاوزها بس للاسف بحس انها بتتقل علي وكمان بخيله اوي في حبها بتبخا علي حتهخ في الحب بس بحبها وحبتها وهحبها اعمل ايه ممكن ناس تقول علي مجنون وممكن ناس تقول علي عبيط زي ما انا كنت بقول علي الناس التانيه اللي كنت بسمع عنهم بس اقلهم جربو وانتو هتلاقو بجد ان ده مش جنان ولا حته هبل ده حب حب بجد لانه مش بيعتمد علي شكل ولا صوت ولا لون ولا دين ولا جنسيه ولا حته علي استيل ولا فلوس ده حب مشاعر والحب ايه غير كده حب هو مشاعر لان قلبنا مش مبيشوف بيحس
ناس كتير زمان كانت بتتجوز من غير ما يشوفو بعض وجوزاهم كان ناجح جدا اولهم اهلينا وفي ناس اتجوزت بعد ما شافو بعض بس الجواز مات وانتهي عارفين ليه لانه كان من غير مشاعر هما مكنوش بيحبو بعض هو كان بيحب شكلها او عنيها ولما كبرو الشكل والعين اتغيرو وهي كانت بتحب الاستيل بتاعه وشكله ووشه بس مع كبر السن الكلام ده راح اهم شئ في الحياه هو الحب الحب ملوش سن ممكن واحده تحب واحد اصغر منها وممكن واحد يحب وحده اكبر منه والعكس بيحصل طبعا والحب ملوش دين ولا جنسيه ولا لون الحب مشاعر بتعيش في الواحد الواحد ممكن يشوف وحده بدون اي مقدمات اول لما تقع عنيه في عنيها يقع في حبها وهي برده ده ايه بقا ده حب دي هي القسمه والنصيب ده ردي عليكي يا سلمي

اما بالنسبه للحج عمرو استاذي عمرو اشرف باشا انت علي حد علمي سعتك في مودرن اكاديمي صح يا فندم طبعا ايه رايك في البنات اللي في الجامعه مش هقلك كلهم اكتريتهم مظاهر ولبس بس قليل لما تلاقي بنت محترمه يا عمرو وقليل لما تلاقي البنت اللي تصلحلك وتصونك وتحبها
كل البنات بدور علي المظهر والشكل والفلوس لكن لما تلاقي بنت مبدورش غير علي الراجل الصح بدور علي الداخل مش الخارج اكيد انت لازم متفرطش فيها انا كنت في جامعه حلوان وجيت عندك مودرن وقعدت في الاتنين سنتين التغير الوحيد هو ان مودرن فري علي الاخر يعني حريه مفرطه وده شئ وحش وقذر واسف علي التعبير ده بس شفت ان البنات اللي في حلوان هما اللي في مودرن بس بتوع مودرن مزودينها يا باشا وله ايه يا عمرو وانت راجل بتركب باص الهرم هههههههههههههههههههههههههههههههه يعني عارف اكتر مني شباب الجامعات اكتريتهم بيجو عشان يصيعو ويرتبطو ببنات ويروح لكل واحد يقله شايف المزه الجمده دي دي بتعتي تحس ان ابوه اشترهالو مع الموبيل او كانت هديه علي كرت شحن ههههههههههههههههههه ربنا يشفيهم والبت تروح للبنات اللي معاه وصحابها شيفين الواد الجامد اللي هناك ده ايوه ده اللي استيل اخر حاجه
ده الواد بتاعي تحس انه جي مع البطلون بتاعها اللي مش كامل او طالعلها هديه في كيس لبان من اللي بيطرقع هي دي نظريه العيشه عندهم وفي الاخر تيجي تسئل الواد لما تحب تتجوز تتجوز مين يقلك بنت محترمه وعمرها ما شافت راجل يا تري ليه لانه عارف انه مش ....... ههههههه
والبنت تقلك انا عاوزه عمره مشاف بنت قبلي عشان ميفضحنيش لما يعرف اني خبره في الحب هههههههههههههههههههه طيب لما كله يعمل كده
مين هيتجوز مين ومين هيحب مين وغير كده يا عالم التكنولوجيا دي خلت ناس كتير يكسبو حجات كتير من الناس اللي بيكب صحاب ومن الناس اللي بيكسب فلوس ومن الناس اللي بيكسب حب انا بقا كسبت حب يارب يارب يارب بجد اتمني انها تثق فيا زي ما انا واثق فيها وتطلع علي قد ثقتي فيها ويارب يجعلها من نصيبي

شكرا يا جماعه وياريت مكنش دايقت حد ومكنش طولت عليكو ومكنش قلت شئ وحش لان الكلام ده كله طالع من جوايه ومردتش اغير شئ منه عشان انا مش بحب اجمل شخصيتي لاني انا كده وممكن اتغير للاحسن وللا افضل لو انا شفت شئ وحش فيا او حد شاف علي شئ وحش عشان كده بحب اي حد ينتقدني عشان اغير من اللي بيخليه ينتقدني

اهلا وسهلا انتوا الاثنين سايبنى الوضوع انا ارد عليه هههههههههههههههههههههه
ده بعدكوا وعلى العموم انا مقولت غير النصيحة يازيدان وانا عارف اللى حاجات دى واصحابى كثير جربوها واتضحك عليه قبل كده
انا بس برد عليك بنصيحة لوجهة لله
وكلامك مظبوط ومقتنع 100% واى حد يصدقك طبعا
لوعى يكون اتضايقتك ولا حاجة ده رد المفيد ونصيحة منى عايز تحب
خليك من البنات اللى انت اتعرفت عليهم وانت واثق فيهم 100%
مع اخوك مييرو

الله الله عليكى ياسكرت كلام جميل ومعقول مقتنع وانا قولتلوا كده مش عايز يصدق
هو حر بقى وربنا معاه

طيب ياست الكل انتى كلامك صح بس المفروض مش من النت افضل

الله الله ايه الكلام الجامد ده والله اتعلمتى الكلام ده مين
ياسكرت
فعلا كلام جامددددددددددددا جدااااااااااا

ايوة كده هاتى كلام يفتح النفس ده كلام جامد والله و
تسلم ايدكى

ميرسيتو

secret_love كتب:

طيب
بس هو حبها من النت ايه بقى الغلط في كده
طلما في صراحه وصدق
خلاص
ربنا يوفقهم
مش المشكله من نت ولا ع فكرة
المهم انهم حبوا بعض بجد
وحب حقيقي
ربنا يوفقهم
صدقتي يا عمرو لما تحب بجد حتحس بزيدان وسعتها حتعرف ان مشاعر الحب دي
بتتبني من النت او غيره ومش بيادك اي حاجه خااااااااالص
ولا حتعرف تعمل حاجه
لان الحب ده زي الصاعقه او السهم الي بيصيب القلب
ولا حتعرف تهرب منه ولا تقول نت ولا مش نت
لانها حاجه ملكش دخل فيها

ايه يابنتى الكلام الجامد دا ..... انا فعلا اول مره كلام ياثر فى بالطريقه دى
انا امنت بان الحب مش بئيد الواحد فعلا .... تسلم ايدك

ايوة طبعا مش بايد اي حد في الدنيا دي



يابنتى الكلام الجامد دا ..... انا فعلا اول مره كلام ياثر فى بالطريقه دى

هههههههههههههههههههههههههههههه
سكرت بقت شاعرة رومانسية وسلمى المساعدة بتاعتها

ههههههههههههههههههههههههه لا باشا انت نسييت زيدان ولا ايه ؟ دا هو الكبير بتاعنا برده

اللللللللللل طيب ياسكرت
مشكوووووووووووووووور

اه نسيت واللله مش انتى اللى اسمك اميرة برده